BELSVIK, RUNE

Det nærmar seg den store marsipanfesten i det vesle landet ved bekken. Dustefjerten finn eit egg, og det kjem ein andunge ut, dermed blir han far og får eit stort ansvar. Bollefisen lurer på om han blir i godt nok humør til festen. Holesnusken nektar å bli med, og grev ei felle utfor døra si. Det bur berre 6 stykke i det vesle landet. Hendingane er små, men tankane er store.

JAN har funne fram til eit nytt konsept. I konseptet heiter det blant anna at «livet har motbakkar nok til alle». Det dreiar seg om å ta vare på egga sine. Men korleis får ein dei ut? Korleis tar ein vare på dei? Skal alle ha kvar sitt reir? JAN gjer alt han kan for å få AUD med på det flunkande nye konseptet.

Bendik er forfattar. Han skulle så gjerne koma i gang med ei ny bok. Han får det ikkje til. Som om ikkje det var nok, kjem våren. Den forferdelege årstida då ein skal vera lykkeleg og visa for naboar og alle kor glad ein er i livet og familien og hagen sin.

Kona til Bendik heiter Agnete. Ho synest dei bør kjøpa seg ein fin båt, så dei blir like lykkelege som Mona og Lars.

Men kva er det for noko å ha ein båt? Er det berre å starta motoren og leggja utpå?

Er det ikkje noko som heiter bølgjer og skjær og uvêr? Er ikkje sjøen ganske djup?

Og korleis legg ein til land?

Er det ikkje nok å drøyma om livet? Må ein i tillegg leva det også?

​

Dette stykket omhandler en ung manns forhold til faren. Vi følger Arthur fra tiden som barn og til voksen alder - vi opplever hans frustrasjoner og leting etter “seg selv” - han stifter familie, men ekteskapet ryker. Mot slutten møter han faren og for første gang klarer de to å snakke sammen.

Alle stader i verda finst det forelska par. I dei største byar og dei minste bygder. Alltid er det eit forelska par der. Berre følg nøye med der du bur. Høyr etter kviskring og fnising. Sjå etter to som går tett saman under ein paraply. Dei finst over alt. Dei to som er så forelska at ingenting anna betyr noko for dei. I Bløygen var det Bidger og Esmiluni. Dei budde på toppen av Bløygenbakken. Av og til var dei så forelska at utelampa blinka. Bidger og Esmiluni. Esmiluni og Bidger. Dei var dei rette for kvarandre.
​
Verdas mest forelska par er ei fin, rar, morosam og klok forteljing for barn, ungdom og vaksne om kjærleikens magi og utfordringar, og om kva som kan hende når forelskinga skal på utstilling. Bidger og Esmiluni jobbar i julepyntbutikken på den vesle staden Bløygen. Av og til er dei så forelska at dei ikkje orkar å arbeide. Dei vil bere vere saman, seie fine ting til kvarandre og blåse kjærastevind i øyro på kvarandre. For å skaffe bygda sårt tiltrengt turistreklame bestemmer kommunestyret i Bløygen at Bidger og Esmiluni skal vere med i sjølvaste meisterskapen i pludring og romantikk.

Men det er ikkje berre lett å førebu seg til ein slik konkurranse, heller ikkje å vise kor forelska ein er på kommando, og i knallhard konkurranse med andre. Dessutan er det ein kar i Bløygen som heiter Bjørn Diesel som er ulukkeleg forelska i Esmiluni og vil gjere kva som helst for å at ho skal bli kjærasten hans.